جعلی انکاؤنٹرز، مودی سرکار معصوم کشمیریوں کا قتل عام کرنے لگی

ویب ڈیسک: پہلگام فالس فلیگ آپریشن کی ناکامی کے بعد جعلی انکاؤنٹرز کے نام پر مودی سرکار معصوم کشمیریوں کا قتل عام کرنے لگی۔
تفصیلات کے مطابق بھارتی فوج فیک انکاؤنٹرز کی سپیشلسٹ ہے، پہلگام فالس فلیگ آپریشن بری طرح ناکام ہو گیا ہے، اس پر اب جعلی انکاونٹرز کی سپیشلسٹ مودی سرکار معصوم کشمیریوں کا قتل عام کرنے لگی ہے۔
ذرائع کا کہنا ہے کہ گزشتہ روز 24اپریل کو مقبوضہ جموں و کشمیر کے اڑی سیکٹر میں 2 بے گناہ نہتے شہریوں کو دن دہاڑے بھارتی فوج نے شہید کر دیا، ان میں سے ایک کا نام محمد فاروق جبکہ دوسرے کا نام محمد دین تھا۔
اس سلسلے میں مزید بتایا گیا ہے کہ دونوں افراد کو بھارتی فوج نے جعلی انکاؤنٹر کے دوران شہید کیا، جبکہ بھارتی فوج کے جھوٹے انکاؤنٹرز کی حقیقت عالمی سطح پر عیاں ہو چکی ہے۔
ذرائع کے مطابق پہلگام فالس فلیگ آپریشن کے بعد مودی سرکار جعلی انکاؤنٹرز کرنے لگی ہے جس میں اسے خاص مہارت حاصل ہے، اس کیلئے بھارتی انٹیلی جنس ایجنسیز زیر حراست معصوم کشمیریوں اور پاکستانیوں کو جعلی انکاؤنٹرز میں استعمال کرتی ہے۔
ذرائع کا مزید کہنا ہے کہ ماضی میں بھی بھارتی فوج جعلی انکاؤنٹرز میں کشمیری نوجوانوں کو شہید کر کے ڈھونگ رچاتی رہی ہے، جبکہ اب کی بار وہی وطیرہ دوبارہ آزمایا جا رہا ہے۔