حج آپریشن کا آغاز ،پاکستان سے پہلی پرواز سعودی عرب پہنچ گئی

ویب ڈیسک: پاکستان سے حج آپریشن کا باقاعدہ آغاز ہو گیا ،عازمین کرام کو لے کر پہلی حج پرواز سعودی عرب پہنچ گئی، مدینہ کے شاہ عبد العزیز ایئر پورٹ پر پاکستانی سفیر نے عازمین کا استقبال کیا۔
پاکستان سے 393عازمین حج کو لے کر قومی ایئر لائن کی پہلی پرواز مدینہ ایئر پورٹ پہنچی،حج فلائٹ آپریشن کے پہلے پندرہ دن حج پروازیں مدینہ منورہ لینڈ کریں گی
مدینہ ایئر پورٹ پر آج پاکستان سے چار پروازوں کے ذریعے 9 سو عازمین حج پہنچیں گے، سرکاری حج سکیم کے تحت 88 ہزار 380 عازمین فریضہ حج ادا کریں گے۔
عازمین حج کو سعودی عرب لانے کے لیے حج فلائٹ آپریشن 31 مئی تک جاری رہے گا، حج آپریشن میں قومی ایئر لائن کے علاوہ نجی ایئر لائنز بھی حصہ لیں گی۔
قومی ایئر لائن اس سال 56 ہزار سے زائد پاکستانی عازمین کو سعودی عرب پہنچانے کے لیے 280 خصوصی پروازیں چلائے گی۔