کراچی: کورنگی میں آئل ریفائنری کے نزدیک گیس پائب لائن میں آتشزدگی – Pakistan

کراچی کے علاقے کورنگی کریک میں نجی ہاؤسنگ سوسائٹی میں کام کے دوران گیس لائن میں آگ لگ گئی۔ 7 گھنٹے گزرنے جانے کے باوجود آگ بے قابو، فائر بریگیڈ کی چھ گاڑیاں آگ بجھانے میں مصروف ہیں۔

تفصیلات کے مطابق کراچی کے علاقے کورنگی کریک میں نجی ہاؤسنگ سوسائٹی میں کام کے دوران گیس لائن میں آگ لگ گئی۔ 7 گھنٹے گزرنے جانے کے باوجود آگ بے قابو، فائر بریگیڈ کی چھ گاڑیاں آگ بجھانے میں مصروف ہیں۔
؎
۔ فوم کا استعمال ۔۔ آگ تیسرے درجے کی قرار ۔۔ پولیس کے مطابق آگ ممکنہ طور پر گیس پائپ لائن میں لگی۔۔ سوئی سدرن کا عملہ بھی موقع پر پہنچ گیا۔ لانڈھی پلانٹ ہائیڈر نٹ پر ایمرجنسی نافذ ۔۔ دوسری جانب نارتھ کراچی میں بھی گیس پائپ لائن میں آگ لگ گئی۔ فائر بریگیڈ کی ایک گاڑی آگ بجھانے میں مصروف۔۔

فائر بریگیڈ حکام کے مطابق آگ بجھانے کے لیے 6 فائر ٹینڈرز موقع پر موجود ہیں اور امدادی کارروائیاں جاری ہیں۔ واقعے سے قبل 1800 فٹ گہری کھدائی کی گئی تھی جو مبینہ طور پر پانی کی بورنگ کے لیے کی گئی تھی۔

ذرائع کے مطابق بورنگ کا کام مکمل ہوچکا تھا، تاہم آج جب پائپ واپس نکالنے کا عمل جاری تھا تو اچانک زیرزمین گیس کا اخراج شروع ہوگیا، کچھ ہی دیر بعد گیس نے آگ پکڑ لی جس سے ریفائنری کے اطراف دھواں پھیل گیا۔

ریسکیو ذرائع کے مطابق آگ مبینہ طور پر گیس پائپ لائن میں لگنے کے باعث پھیلی، تاہم حتمی وجوہات جاننے کے لیے تحقیقات کی جا رہی ہیں۔ فائر بریگیڈ کی ایک گاڑی آگ پر قابو پانے میں مصروف ہے،جبکہ دیگر ٹیمیں بھی امدادی کاموں میں حصہ لے رہی ہیں۔

تاحال کسی جانی نقصان کی اطلاع نہیں ملی ہے، تاہم آگ کے باعث قریبی علاقوں میں دھواں پھیل گیا جس سے مقامی رہائشیوں کو مشکلات کا سامنا کرنا پڑا۔ حکام کا کہنا ہے کہ فائر فائٹنگ آپریشن مکمل ہونے کے بعد ہی نقصان کا درست اندازہ لگایا جا سکے گا۔

ادھر گورنرسندھ کامران ٹیسوری کا کمشنر کراچی سید حسن نقوی سے رابطہ، کورنگی کراسنگ کے قریب آگ لگنے کے واقعے پر اظہار تشویش کیا۔

انہوں نے کہا آگ پر قابو پانے کیلئے فوری اقدامات کئے جائیں۔ ہیلی کاپٹرکی فوری فراہمی ممکن بنائیں۔