حکومت نے پیٹرول کی قیمت میں کمی کردی ،نوٹیفکیشن جاری

ویب ڈیسک: وفاقی حکومت نے پیڑول کی فی لیٹر قیمت میں کمی کردی جس کا نوٹیفکیشن جاری کردیاگیا ۔
فنانس ڈویژن سے جاری نوٹیفکیشن کے مطابق آئل اینڈ گیس ریگولیٹری اتھارٹی نے عالمی مارکیٹ میں قیمتوں کے ردوبدل کی بنیاد پر صارفین کے لیے پیٹرولیم مصنوعات کی قیمت میں کمی کردی ۔
نوٹیفیکیشن کے مطابق حکومت نے پیڑول کی فی لیٹر قیمت میں ایک روپے کی کمی کردی ہے، جس کے بعد فی لیٹر پیٹرول کی نئی قیمت 254 روپے 63 پیسے ہوگی جبکہ اس سے قبل فی لیٹر قیمت 255 روپے 63 پیسے تھی۔
ہائی اسپیڈ ڈیزل کی قیمت میں کوئی ردو بدل نہیں کیا گیا ہے اور فی لیٹر قیمت بدستور 258 روپے 64 پیسے رہے گی۔
نوٹیفکیشن کے مطابق پیٹرول کی قیمت میں کمی کا طلاق آج رات 12 بجے سے ہو گیا ۔