پاک افغان سرحد پر دراندازی کی کوشش ناکام، 8دہشت گرد ہلاک

ویب ڈیسک: سکیورٹی فورسز نے شمالی وزیرستان میں پاک افغان بارڈر پر دراندازی کی کوشش ناکام بناتے ہوئے 8دہشت گرد ہلاک کردیئے ۔
پاک فوج کے شعبہ تعلقات عامہ کی جانب سے جاری بیان کے مطابق شمالی وزیرستان میں دہشت گرد گروہ کی جانب سے افغان سرحد سے دراندازی کی کوشش کی گئی۔
سکیورٹی فورسز نے بروقت کارروائی کرتے ہوئے ہشت گردوں کی دراندازی کی کوشش ناکام بنادی، اس دوران فائرنگ کے تبادلے میں 8 دہشت گرد ہلاک جبکہ4زخمی ہوگئے۔
یاد رہے کہ 22 اور 23 مارچ کی درمیانی شب میں خارجیوں نے شمالی وزیرستان کے علاقے غلام خان کلے میں دراندازی کی کوشش کی تھی جس پر سکیورٹی فورسز نے بروقت کارروائی کرتے ہوئے شدید فائرنگ کے تبادلے میں 16دہشت گردوں کو ہلاک کردیا تھا۔
آئی ایس پی آر کا کہنا کہ پاکستان بار بار افغان عبوری حکومت سے موثر بارڈر مینجمنٹ کے لیے کہتا رہا ہے، توقع ہے افغان عبوری حکومت اپنی ذمہ داریاں پوری کرے گی۔
ترجمان پاک فوج نے مطالبہ کیا ہے کہ افغانستان خارجیوں کو پاکستان مین دہشتگردی کے لیے اپنی سرزمین استعمال کرنے سے روکے، سیکیورٹی فورسز اپنی سرحدوں کو محفوظ بنانے کے لیے پرعزم ہیں اور دہشتگردی کا خاتمہ یقینی بنائیں گی۔